Forlaget skriver om denne boka:
Tekstane i Popsongar tek oss med på ei fascinerande reise. På overflata er vi i løpet av 24 timar på 24 stader, og dei 24 historiene som blir fortalde, heng på eit finurleg vis saman med 24 songar.

Men det musikalske bakteppet er på ingen måte eit vilkår for å leve seg inn i dei oftast triste, somtid tragikomiske, men alltid djupt menneskelege lagnadene i boka.

Frode Grytten (født 1960) debuterte som lyrikar i 1983. Han fekk gjennombrot i 1999 med Bikubesong, som nådde eit rekordstort publikum, fekk Brageprisen og vart nominert til Nordisk Råds litteraturpris, P2-lyttaranes pris og Kritikarprisen.