Ivar Aasen (1813-96), forfattar, grammatikar og språkforskar, gjorde også eit pionerarbeid då han på sine lange reiser samla inn omkring 5000 ordtak.

Første utgåva av Norske ordsprog kom i 1856, men utvalet her er gjort frå den omarbeidde og utvida samlinga frå 1881.

Ordtaka uttrykkjer visdom og livsrøynsle i knapp og konsentrert form. Dei er ein viktig del av den norske folkediktinga, men Aasen visste godt at ordtak vandrar frå språk til språk og at mange av dei "Særnorske" ikkje blir dårlegare om vi finn deira parallellar i framande mål.