Olaug Nilssen (f. 1977) er ein allsidig og aktiv
forfattar. Ho har skrive tre vaksenbøker, ei barnebok og ei
essaysamling. I tillegg er ho redaktør for tidsskriftet Kraftsentrum og
har eigen blogg. I 2004 blei ho kåra til ein av dei mest lovande unge
forfattarane i Noreg. I 2006 er ho festspeldiktar på dei nynorske
festspela, og var nominert til Ungdommens kritikerpris for boka Få meg på, for faen.

I heftet blir forfattarskapen introdusert gjennom ein nyskreven
artikkel av kritikar og kulturjournalist Marta Norheim, og ca. 25
avisklipp (bokmeldingar og intervju) frå norske aviser. Heftet inneheld
òg bibliografi og lesetips til artiklar og intervju i tidsskrift og på
nett. Kjekk til litteraturprosjekt og oppgåveskrivarar.