GREGORY MOTTON (f. 1961) er engelsk-irsk dramatikar og omsetjar, busett i London. Han har skrive ei rad stykke, som er omsette til blant anna svensk, finsk, tysk og portugisisk, og han har blitt mykje spelt i Frankrike. Motton har og omsett ei rad stykke av blant andre Georg Büchner og August Strindberg, og han har omsett Jon Fosse, som i sin tur har omsett Mottons siste stykke, Den største diamanten i verda. Dette stykket hadde urpremiere på Royal Court hausten 2005.
Ei kvinne besøker ein mann i huset hans. Han er eldre og sjuk, ho noko yngre. I løpet av stykket blir kjærleiksforholdet som har vore mellom dei to bretta ut. Det tok slutt for lenge sidan, men er der mellom dei enno. Begge skuldar den andre for å ha svikta kjærleiken, og tilskodaren følgjer møtet mellom dei som ein maktkamp om kven som har elska mest.