Ein familie, tre generasjonar, tre historier. Den unge Mariann har flytta ut av familiens trevilla på Vinderen, bort frå familiens forventningar. På ei solvarm strand i Australia møter ho Endre. Dei reiser kvar sin veg vidare, men den kompliserte kjærleikshistoria held fram i vinterkalde Oslo.

Alt starta då Marianns spanske bestefar møtte kjærleiken i Marokko i tretti-åra. Men ei anna kvinne ventar på han heime, og av pliktkjensle reiser han tilbake til Barcelona. Mange år seinare er det dotter hans, Maria, som reiser ut. Ho har møtt den unge, norske arkitekten Leif i Barcelona. Fulle av håp overtek dei den gamle trevillaen Leif har arva på vindern i Oslo. Dei får tre barn; Mariann, Victoria og Felix. Mora fører skjønn song og høg temperatur inn i heimen, men gradvis blir gleda blanda med heimlengt og sakn. Den store trevillaen på Vindern passar på historiene til dei alle. Men også dei kjærlege stemmene til dei ufødde barna følgjer med på livet til familien Storm-Eriksen.