Tolkiens meisterverk "The Lord of the rings" føreligg her i nynorsk språkdrakt. Boka inneheld dei tre banda i trilogien om hobbiten Frodo Baggins og ringen han får i eige. Frodo overtek ein magisk ring frå onkelen Bilbo. Ringen har eventyrlege krefter og farlege eigenskapar. Ringen har kraft og makt til å kontrollere heile verda, men Frodo oppdagar og at makta øydelegg den som ber ringen. Han samlar ei gruppe hobbitar, alvar, dvergar og menn og dreg av garde for å kaste ringen tilbake i den vulkanske elden og redde verda frå vondskapen.