Sørstatsfamilien Pollitt er samla heime på plantasjen for å feire 65-årsdagen til patriarken Big Daddy, som er ramma av uhelbredeleg kreft. Den eldste sonen Gooper og kona hans er grådige etter farsarven. Den yngre broren Brick drikk for mykje og kjenner seg fanga i eit ekteskap der han ikkje får leva ut kjærleiken sin. Det som skulle vera ein fest for far, blir eit oppgjer med løgner, forteiing og løyndommar.

Katt på heitt blekktak er eitt av hovudverka til den amerikanske dramatikaren Tennessee Williams, og vart oppført første gong i 1955 på Broadway. Tennessee Williams skreiv ei eiga tredjeakt til Broadway-oppsetjinga, og begge versjonane, med Williams' eigne føreord, er med i denne utgåva.