Tibandsverket Dansen gjennom skuggeheimen er eit av storverka i norsk arbeidarlitteratur. Det gjev ei storfelt episk skildring av omforminga av det norske samfunnet mellom hundreårsskiftet og første verdskrigen. Hovudrolla speler rallarane, det nye proletariatet, som riv seg laus frå bondesamfunnet og går til åtak på det nye samfunnet.

Hovudpersonen i I skiftet er rallaren Tørber Landsem, ramme er byen og tida om kring 1911. Det er kriseår og uro i arbeidarklassen. Fagorganisasjonen har vakse seg sterk, men det er hard strid om den politiske linja. Tørber Landsem er blitt forbundsmann. For han er den politiske striden òg ein personleg strid. Han sluttar seg til Fagopposisjonen. Det tyder kamp, hopehav med klassen, det som er den nye tida.