Gymlærar og stupeentusiast Norman Koggen har samla inn pengar til eit nytt stupebrett på den populære Bystranda. Ei lita sak sjølv i ein roleg soveby ved sjøen.
Men så går det heilt gale i Den vesle byen.
Ordføraren kuppar stupebrettet. Politisk maktkamp og velmeinande inkompetanse sender byen ut i ein millionskandale. Korleis kunne eit lite stupebrett til glede for innbyggarane verta eit mareritt av nasjonale dimensjonar?

Stupetårnet er eit eventyr frå kommune-Noreg. Så vilt er det at nokon knapt vil tru at det kunne hende i det verkelege livet. Midt i dramaet står ein eigenrådig ordførar, ein pensjonert gymlærar, ein tverr plansjef, ein overkreativ keramikar og ein irsk pubmusikar.