Dette er ein antologi med åtte toneangjevande amerikanske poetar. Utvalet er gjort mellom åra 2011-16, men hovudtyngda ligg på dei seinaste par åra. Felles for poetane er at det er vanskeleg å peike ut nokon eintydig tendens eller setje dei i båsar; dikta deira handlar om klasse, rase, kjøn og identitet, og formene dei nyttar, inkorporerer element frå amerikansk kultur over fleire tiår, til dømes hiphop og slam, vidare til meir akademisk-essayistiske impulsar. Poetane er: Brandon Brown, Kate Colby, Corina Copp, Paul Legault, Monica McClure, Danez Smith, Ocean Vuong og Sara Wintz. Blant dei norske omsetjarane finn vi Rune F. Hjemås, Frode Grytten, Kristina L. Iversen, Hilde Susann Jægtnes, Linn Strømsborg og Mathias R. Samuelsen. Omtala er utarbeidd av BS.