Under ei vernande skodde av hemmeleghald, uklar tale og semantisk forvirring er Solberg-regjeringa i ferd med å overlate mykje av norsk militærpolitikk til Pentagon og NATO-hovudkvarteret. Den enorme dimensjonen til krigsøvinga Trident Juncture i 2018 markerte at Noreg er blitt en aktiv deltakar på den offensive sida i den nye kalde krigen. Ei slik markering gjer det også klart at det fredelege, diplomatisk ordna naboskapet med Russland er avslutta.

Det blir også tydelegare at Noreg underordnar seg USAs leiarskap, uansett kva eller kven som er på veg inn i den amerikanske styringseliten, og der er det alt no visse bisarre innslag, for å seie det forsiktig. Aktørar frå den gamle kalde krigen hevdar med god grunn at det er USA som har starta den nye.

Jon Hellesnes er forfattar og professor emeritus i filosofi ved Universitetet i Tromsø. Han er æresdoktor ved Universitetet i Bergen.