Mange år før han vart den vidkjende forfattaren av «Robinson Crusoe» og «Moll Flanders», stod Daniel Defoe i gapestokken i London, straffa for å ha skrive eit opprørsk nidskrift mot kyrkja og staten. For forfølgjarane hans vart episoden eit stort vonbrot. Defoe vart ikkje steina, som dei rekna med. Han vart feira og tiljubla. Om dette har Stefan Heym skrive ein listig satire, forma som ei dagbok etter sekretæren til dronningas minister, Jarlen av Nottingham.