Forlaget skriver om denne boka:
Dette er boka om Romsdal, om havlandet, fjordlandet, fjellandet. Og dette er boka om romsdalingene, dei som kom rekande inn frå havet, og dei som kom vandrande ned gjennom dalen - og som vart verande.
Boka er skriven av ein romsdaling, av ein som flytte ut, men som i tanken titt vender attende til heimlandet. Han går tilbake i tida, trekkjer fram viktige og kuriøse hendingar i romsdalssoga og syner korleis livet til farne tiders romsdøler var. Han presenterer Romsdal i dag, folk og landskap, levemåte og veremåte.
Bjørnstjerne Bjørnson gjorde i si tid ei reise gjennom barndomslandet, ei reise som vart til eit dikt. Oddgeir Bruaset har følgd i Bjørnsons kjølvatn, sett det same landskapet og møtt dagens romsdølinger. Han spør: Formar naturen folket, avlar innestengde dalar innestengde sinn, gjer opne kystlandskap hugen fri?