Denne boka handlar om noko flyktig: plakatar. Ei veke eller tre er dei å sjå før dei blir rivne ned, dekka over, grisa til, fjerna. Men ikkje alle blir borte for alltid.

Her er samla 180 norske plakatar på områda reklame, politikk og kultur. Dei spenner over eit stort tidsrom, sjølv om del først og fremst er 1900-talet som er plakatens hundreår.

Plakaten tar i bruk verkemiddel som talar til folk i fart. Han kan fortelje mykje om kva saker som har stått på dagsordenen, om kva folk har vore opptekne av, og om kva hendingar som har prega bybilde og daglegliv i ei gitt lid. Plakaten fortel nasjonens historie: Alle viktige hendingar har ein plakat. Men sidan han blir trykt i store opplag og spreidd vidt omkring, manglar plakaten den unike og eksklusive karakteren som pregar kunstbildet. I norsk kunsthistorie har plakaten difor hall låg status.

Jorunn Veiteberg er kunsthistorikar. Boka om den norske plakaten er skriven ut frå eit ønske om å løfte fram plakaten som både historisk kjelde, kommunikasjon og kunst.